ضعاف….
من الأول وإحنا ضعاف
من بطن أم لحضن لكتاف
وكله يحادي علينا ويخاف
وإن بكينا يقولو َمين حسد
ومين شاف….
ضعف النفس خدنا لوكر
دجال وعراف…
نسينا ذكر وملانا فكر..
وجفا وخلاف..
على بعض هنا… مبقتش فارقة
ناس بتتهنا… وناس سارقة
وناس حياتها…. إسراف
وأب يشكي أوجاعه…. من إبنه
كان شايفو سنده ودراعه
غيور…. شواف
كان همه يشييييل همه
يكون عنده إنصاف
اصل الواحد….. ضعيييف وحده
نحيف اومتين…. أصله من طين مخلوق يوم سعيد.
ويوم مخنوق… خواف
أصله البعيد نسي أصله…
قسى على منه… ملاه الكبر
وكبر سنه….. وإتعاف..
ضعاف إحنا ومش عارفين..
إننا ماشيين فى سكة الشياطين
بإستخفاف..
وخفاف…. كأننا طايرين
كان الدنيا مفهاش دين
وملناش كتب وصحاف..
فاكرين بس إنه الموت
نهاية حس ونهاية صوت
وبداية لنعيم أصناف
ومين فينا شاف
ورجع وصف أوصاف
وخدع نفسه بزيادة
وكالعادة… وجع غيره
بإحتراف…………
إرسال التعليق